Institutuko ikasleen ordezkarien ekimenez, laguntza bilketa bat antolatu dugu Valentzian DANAk kaltetutako pertsonei laguntzeko.
Bilketa azaroaren 13an, asteazkenean, egingo da, institutuko sarreran, ikasleen topagunean. Bi ordutegi jarri dira materialak jasotzeko: goizez, 9:00etatik 12:30etara; eta arratsaldez, 14:30etatik 18:00etara. Jasoko ditugun materialak eta objektuak hurrengo zerrendan zehazten direnak izango dira.
HIGIENE-PRODUKTUAK
Haurrentzako eta helduentzako pixoihalak, toallatxoak, komuneko papera, konpresak, tanpoiak, xanpua, gela, detergentea eta lixiba.
LAN-TRESNAK
Palak, erratzak, lanbasa, ontziak, XXL zabor-poltsak, lanerako eskularruak, eta uretarako botak.
IKAS-MATERIALA
Libretak, arkatzak, erregelak, sakapuntak, gomak, estutxeak, koloretako arkatzak, karpetak, azpimarragailuak eta errotuladoreak.
Anima zaitezte guztiok ekimen solidario honetan parte hartzera, ahal duzuena ekarriz. Zure laguntza espero dugu!

Bilketa antolatzeko eta deia zabaltzeko, kartelak eta identifikazio-txartelak egin dira bilketan parte hartzen duten boluntarioentzat. Produkzio Grafikoaren Diseinua eta Kudeaketa zikloko euskarazko 1. mailako ikasleek diseinatu, inprimatu eta jarri dituzte kartelak.